星展推樓按手機app　VR+360度睇樓盤

星展銀行（香港）今推出樓按手機app （DBS Home360），備有虛擬實境功能。用家佩戴VR眼罩，就可360度以虛擬實境方式看到各區樓盤的實況。

▲ 利用手機App，用家可以VR技術睇樓之餘，亦可為物業作估值及計算支出。（手機截圖）

該app由星展銀行（香港），聯同世紀21香港及戴德梁行共同推出。除了VR為一大賣點，亦能提供由估價公司戴德梁行所提供的「即時物業估值」功能，用家需輸入區域、地區、屋苑等物業資料，就可見到該單位的估值價錢、建築及銷售面積、樓齡等資料。另外，用家可利用「置業計算機」，揀完樓盤就計到按揭銀碼、印花稅及佣金等所需支出。亦可輸入簡單財務資料，程式就能評估其按揭負擔能力，提交後銀行會有職員跟進。

記者實測後發現，app的操作尚算流暢，VR功能方面，即使不戴VR眼罩，亦可使用功能，但當放大畫面時，解像度則有點模糊，或未能看到樓盤的細微位。

▲ 星展銀行（香港）董事總經理兼香港區零售銀行業務及財富管理總監張雲峰（左）表示，手機app花近一年時間籌備，未來亦會朝金融科技方面發展。（張永康攝）